Charter Document - 05020027

Quoniam rerum gestarum veritas tum per hominum tum per temporum successionem a communi hominum laberetur noticia nisi fido litterarum munimine juvaretur res caduca et labilis humana memoria rebus enim gestis tacito pede supervenit vetustatis et negligentie filia comesque oblivio Ego Symon Neophilensis castellanus et dominus notum esse volo tam futuris quam presentibus quoniam Ansouldus de Garenceriis Odo de Plaisir et Petrus frater ejus dederunt monasterio Vallium Sarnaii et monachis ibidem Deo degentibus totam terram suam de Plaisir que dicitur Ebiseors sitam in uno tenenti ad grangiam construendam continentem circiter CC et XXX arpenta terre contiguam ex una parte in longitudine rivulo de Pratella et chemino de Grignon et ex alia chemino de Pissiaco et ex alia parte in latitudine vie Sancti Germani in Laya et ex alia vie Parisiensi cum sex arpentis prati sitis in Pratella contiguis ex una parte dicto rivulo de Pratella decurrenti inter dicta prata et terram predictam de Ebiseors et ex alia parte territorio de Pratella et ex parte inferiori contiguam prato Pagani de Croceio tamen sibi retentis in reditibus quatuor modiis cum dimidio medietatem videlicet bladi et medietatem avene Et Hermentrudis de Plaisir dedit eidem monasterio concedentibus filiis suis Odone et Petro de Plaisir terram suam sitam in eodem loco in uno tenenti ex a[lia parte dic]ti chemini de Pissiaco continentem circiter octoginta sex arpenta terre contiguam ex una parte dicto chemino de Pissiaco et ex alia parte terris de Marneriis et ex alia vie Parisiensi similiter sibi retentis tribus modiis tam bladi quam avene Et Stephanus de Mathei et Hildiardus et Rainaldus nepos ejus dederunt eisdem monachis terram suam sitam in territorio de Merderel continentem vel eo circa XXX et octo arpenta terre contiguam ex una parte rivulo de Merderel et ex alia parte prefate vie Sancti Germani in Laya cum undecim arpentis terre sitis in territorio de Ulmeculis contiguis ex una parte chemino de Plaisir et predicte vie Sancti Germani in Laya qui etiam de redditu sibi retinuerunt XVIII sextaria tam bladi quam avene Et Hugo de Plaisir concedente Ysabelle uxore sua et Guillelmo fratre suo dedit eisdem monachis campum de Bruyeria continentem XX et octo arpenta terre acceptis ex caritate monachorum XX libris denariorum Eodem vero anno quo hec facta sunt Symon Furrer concedente uxore sua cum filiis predictis monachis in perpetuam elemosinam terram de Haya de Conray dedit acceptis XV libris ex caritate eorum [Ego autem Symon Neophilensis predictus prefatas donationes et elemosinas laudo approbo et confirmo] volens et concedens tanquam feodalis et capitalis dominus quod prefati monachi omnia supradicta de feodo et dominio meo moventia teneant in perpetuum in manu mortua cum omni jure dominio et omnimoda justicia que in omnibus predictis habebam vel habere poteram quocumque modo seu quacumque racione nichil juris justitie seu dominii michi nec heredibus meis retinens in premissis salvis tamen reditibus granorum predictis Hujus rei testes sunt Nivardus presbiter de Nealpha Amaurricus de Nealpha Gaufredus vicecomes Petrus frater ejus Hugo de Aupuntel Petrus de Chatteron Renouldus dapifer Guillelmus monachus Symon de Villaperosa Odo frater ejus Godefridus de Baali Philippus de Bordis Gallerannus filius Guynemer de Bayna Renardus Esrachevesce et Gallerannus de Crecey Hec autem omnia facta sunt in castello meo Neophilensi concedente Eva uxore mea filiisque meis Milone et Symone presentibus ac etiam in omnibus predictis assensum prebentibus Anno Domini MCLXIII