Charter Document - 05020026

Alexander episcopus servus servorum Dei dilectis filiis Andree abbati monasterii sancte Marie de Sarnaio ejusque fratribus tam presentibus quam futuris regularem vitam professis in perpetuum Desiderium quod ad religionis propositum et animarum salutem pertinere monstratur sine aliqua est dilatione complendum ea propter dilecti in Domino filii vestris postulationibus clementer annuimus et prefatum monasterium in quo divino mancipati estis obsequio sub beati Petri et nostra protectione suscipimus et presentis scripti patrocinio communimus In primis siquidem statuentes ut ordo monasticus qui secundum Deum et beati Benedicti regulam atque instituta Cisterciensium fratrum in vestro monasterio noscitur institutus perpetuis ibidem temporibus conservetur Preterea quascumque possessiones quecumque bona idem monasterium in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis et illibata permaneant in quibus hec propriis duximus exprimenda vocabulis Ex dono illustris Francorum regis usum in foresta Acquiline necessarium tam ad edificandum quam ad comburendum pasnagium et pasturam jumentorum et pecorum in eadem foresta Ex dono ejusdem regis terram excolendam pro sustentatione fratrum sicut distenditur a fossa Sancti Dionisii usque ad marchesium de Muterna et a Folioso usque Hayam de Nialpha Ex dono predicti regis triginta arpenta terre in guttulis Fontis Johannis Ex dono Petri de Sarnaio quicquid in Aquilina habuit Pagana sua uxore et filiis consentientibus Ex dono Ligerii filii Radulphi quicquid habuit in eadem Aquilina et quicquid Huldreus et Garinus frater ejus ibidem habuerunt Ex dono Milonis de Nialpha et Amaurici fratris ejus totam terram suam de Essarto Roberti et quicquid habuerunt in Valle Sarnaii sub annuo censu trium modiorum frumenti et trium avene Amaurico solvendo Ex dono Philippi Britonis unum modium frumenti annuatim habendum Ex dono Philippi de Blarru quater viginti jornalia terre ad grangiam construendam et quatuor carrucatas terre unum modium avene et unum ibernagii annuatim sibi solvendo usumque nemorum suorum scilicet Chebreie et Gasum ad fabricandum et comburendum pastionemque animalium porcorumque pasnagium Ex dono Nanterii totam terram suam de Buxeria sub annuo censu duos modios avene sibi solvendo Ex dono Andree de Nielpha dimidium arpentum terre Ex dono Guidonis de Argal duo arpenta terre et dimidium Ex dono Gauterii de Alneto tria arpenta terre Ex dono Gaufridi de Trembleto unum arpentum terre Ex dono Hurrici dimidium arpentum Ex dono Guidonis de Argal unum arpentum Ex dono Roberti de Argal septem arpenta Ex dono Rainaldi duo arpenta Ex dono Stephani Palmarii terram sitam juxta Pontem Carnotensem Ex dono Nivardi de Mesnilliis duodecim arpenta terre sub annuo censu duodecim nummorum sibi solvendo Ex dono Philippi Securis quatuor arpenta Ex dono Odonis de Plesaco terram sitam juxta grangiam monachorum Ex dono Elizabeth de Busco totam terram quam juxta Pratellam habuit sub annuo censu duodecimnummorum sibi solvendo Ex dono ejusdem alibi octo arpenta terre sub annuo censu duorum solidorum sibi solvendo Ex dono Gaufridi de Vallegrainosa totum feodum de Creches et terram que in eadem grangia continetur Ex dono Thome Gorjardi terram quam habuit in Campo Roberti Ex dono Guidonis filii ambas vineas quas habuit apud Estrecheum Ex dono Pagani Quinquenelli totam terram suam vineam et hortum de Fonte Ex dono Heuderii filiorumque ejus omnia que in monasterium secum contulerunt Ex dono Roscie de Escire modium ibernagii Ex dono Eremburgis et Sanfredi fratris ejus unum arpentum Ex dono Mabilie octodecim denarios quos sibi debebant nomine census pro vinea de Soflet et unum modium vini in torculari suo vobis singulis annis habendum Ex dono Suggerii abbatis et fratrum Sancti Dionisii alnetum continuum usque ad prata Sarneti sub annuo censu sex denariorum Ex dono Nanterii terram que sita est inter vineam monachorum et viam que ducit ad Montem Lethericum et quandam culturam ex altera parte vie campi parte sibi retenta Ex dono Simonis de Monjai duo arpenta terre Ex dono Arnoldi Arietis septem quarteria prati Ex dono Pagani totam terram suam de Creches Ex dono Roberti Calmont totam terram suam supradicte contiguam Ex dono Gualterii Cummeren totam terram suam de Aenviller Ex dono Guidonis Parvi plateam ad domum construendam Ex dono Ursionis clerici unum arpentum vinee Ex dono Hervei presbiteri dimidium arpentum vinee Ex dono Guidonis Andegavensis dimidium ibidem Ex dono Buccardi militis unum arpentum terre et duo arpenta vinee in virgultis Ex dono Johannis Rufi dimidium arpentum vinee Ex dono Philippi de Montibus duo arpenta vinearum et dimidium Ex dono Hugonis de Ordeis unum quarterium vinee Ex dono Nicolai duo quarteria vinee Ex dono Gathonis de Torota dua arpenta vinee apud Marolium Ex dono Pagani Rainguardi quatuor arpenta vinee apud Estrichi Ex dono Henrici Bataille duo arpenta terre ad grangiam construendam et alia quatuor ibidem Ex dono Gaufridi de Trembleto duo arpenta terre Ex dono Hel[] unum arpentum terre Ex dono Pagani de Torot unum pratum Ex dono Milonis de Cabrosa pratum et quarterium arpenti Ex dono Rainaldi de Chaneveriis unum arpentum prati Ex dono Hermenais de Cravill [] totam terram suam de Rorz [] sub annuo censu viginti quinque solidorum Ex dono Marie de Monte Forti unam domum apud Fontem Burg[] cum adjacenti terra Ex dono Rainaldi de Coyneri[is] duo arpenta terre ante portam Aitie Ex dono Amaurici dimidium arpentum ibidem Ex dono Oddonis et Petri fratris ejus tria arpenta terre Ex dono uxoris predicti Oddonis arpentum terre ibidem Ex dono Ildiardi et Rainaldi nepotis ejus totam terram quam apud Pontem Carnotensem jure hereditario possederunt Ex dono Ansoudi de Garanceriis totam terram suam de Plaisir Ex dono Godefridi domum et dimidium arpentum prati Ex dono Hugonis de Porta plateam ad domum construendam Ex dono Godefridi filii Norbondi domum et modium vini annuum et arpentum prati dimidium Ex dono Aales dimidium arpentum vinee apud Clarum Montem Ex dono Norbondi tria quarteria vinee et dimidium modium vini in vinea Godardi Ex dono Godardi dimidium arpentum ibidem et dimidium juxta vicum Parisiensem Ex dono Augustini dimidium arpentum vinee Ex dono Riccardi filii Hilduini dimidium arpentum Ex dono Durandi prepositi arpentum Ex dono Rainardi arpenti dimidium et ex dono [] unum arpentum et dimidium quarterium Ex dono Droconis dimidium modium frumenti in molendino suo Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis decimas exigere presumat prohibemus autem ne quis fratres vestros laicos sive clericos post factam in vestro monasterio professionem absque literarum vestrarum cautione suscipere audeat vel retinere Paci quoque et tranquillitati vestre paterna sollicitudine providentes auctoritate apostolica interdicimus ut infra clausuras locorum seu grangiarum vestrarum nullus violentiam vel rapinam sive furtum committere aut combustionem facere seu hominem capere vel interficere audeat et si quis hoc temerario ausu presumpserit tanquam sacrilegus judicetur Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione ac sustentatione concessa sunt usibus omnimodis profutura salva nimirum apostolice sedis auctoritate Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita nisi presumptionem suam congrua satisfactione correxerit potestatis honorisque sui careat dignitate reumque se divino judicio existere de perpetrata iniquitate cognoscat et a sacratissimo corpore et sanguine Dei ac domini redemptoris nostri Jesu Christi aliena fiat atque in extremo examine districte subjaceat ultioni Cunctis autem eidem loco sua jura servantibus sit pax domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant amen amen amen Ego Alexander catholice ecclesie episcopus Ego Hubaldus Hostiensis episcopus Ego Bernardus Portuensis et Sancte Rufine episcopus Ego Gualterius Albanensis episcopus Ego Hubaldus presbiter cardinalis tituli Sancte Crucis in Jerusalem Ego Henricus presbiter cardinalis tituli Sanctorum Neret et Achillet Ego Joannes presbiter cardinalis tituli Sancte Anastasie Ego Albertus presbiter cardinalis tituli Sancti Laurentii in Lucina Ego Guillelmus presbiter cardinalis tituli Sancti Petri ad Vincula Ego Hiacintus diaconus cardinalis Sancte Marie in Cosmydyn Ego Oddo diaconus cardinalis Sancti Nicolai in carcere Tulliano Ego Ardicio diaconus cardinalis Sancti Theodori Ego Boso diaconus cardinalis Sanctorum Cosme et Damiani Ego Cinthius diaconus cardinalis Sancti Adriani Ego Joannes diaconus cardinalis Sancte Marie in Porticu Ego Manfredus diaconus cardinalis Sancti Georgii ad Velum aureum Datum Parisiis per manum Hermani sancte romane ecclesie subdiaconi et notarii septimo nonas martis indictione duodecima incarnationis dominice anno millesimo centesimo sexagesimo secundo pontificatus vero domini Alexandri pape tertii anno quarto