Charter Document - 05020023
| Charter Number: | 05020023 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1162 |
| Date type: | Internal, A.D., Episcopal |
| Resource Link(s): |
|
Charter:
Mauricius Dei gratia Parisiensis episcopus ecclesie sancte fidelibus salutem Notum fieri volumus universis tam presentibus quam futuris quod Paganus miles dedit in puram et perpetuam elemosinam ecclesie Sarnaii et monachis ibidem Deo servientibus totam terram suam que dicitur feodum de Crechiis liberam ab omni censu decima et campi parte ad granchiam construendam continentem circiter centum sex arpenta terre contiguam ex una parte cheminio tendenti de Bonnella ad Mollerias et ex alia parte terris de Pommereto et ex alia cheminio tendenti de Sarnaio ad Mollerias et terris dictarum Moleriarum cum sex arpentis prati vel eo circa sitis in eodem loco contiguis terre supradicte de Crechiis ex una parte et ex aliis partibus terris de Pommereto Presente et hoc donum confirmante Guillermo Bisheron ad cujus feodum terra illa et prata pertinebant Hodone filio suo et Heremburge filia concedentibus Et Goscelinus de Lymoiis miles dedit prefale ecclesie totam terram suam sitam in eodem loco etiam liberam ab omni censu decima et campi parte continentem circiter centum octoginta quinque arpenta tere contiguam ex una parte supradicte terre de Crechiis quam dedit prefatus Paganus et ex alia parte terris et jardinis de Pommereto et ex alia vie que ducit de Sarnaio a Chaumucon cum frechiis in eodem loco sitis super lapricia contiguis terre supradicte ex una parte et ex alia bosco et terre dicti Goscelini de Lymoiis militis Et etiam prefatus Goscelinus dedit predicte ecclesie nemora sua sita in eodem territorio in montibus et vallibus continentia triginta et quatuor arpenta vel eo circa sicut distenduntur in longitudine secundum viam que ducit de Chaumucon apud Sarnaium contigua ex una parte in latitudine prediclis frechiis et ex alia parte terris granchie Sancti Clari Hoc autem ut firmius teneretur Gaufridus de Vallegrainosa et Buchardus de Coldreio milites de quorum feodo supradicte terre nemora et frechia erant omnia predicta cum omni jure dominio et omnimoda justicia que in eis habebant tanquam domini capitales libera et quieta monachis dimiserunt concesserunt et quietaverunt nichil sibi nec heredibus suis juris justitie seu dominii in premissis retinentes Aia uxore dicti Gaufridi de Vallegrainosa assensum prebente in omnibus Fratres etiam dicti Buchardi de Coudreio Guido Herveus Fromundus Maheius Gruel et uxor ejus et filie Helvisa Agnes Eremburgis laudaverunt et sacramento fidei firmaverunt Quod inconcussum teneatur in futuris temporibus sigilli nostri auctoritate roboravimus Hujus rei testes sunt Galterus capellanus Ascelinus Parisiensis canonicus Arnulfus decanus Orricus presbiter Guillermus de Fabricis Symon de Braye et Herardus frater ejus Adam de Braye Thomas marescalus Rambouth et Ebroinus nummularii Actum publice Victoricii anno ab incarnatione millesimo centesimo sexagesimo secundo episcopatus vero nostri anno tertio