Charter Document - 05020017
| Charter Number: | 05020017 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1160 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis amen Ego Ludovicus Dei gratia Francorum rex quoniam secularium administratio nos prepedit aspiritualibus illis quorum est professio in Dei servicio nos communicare [debemus] terrena nostra ut in spiritalibus eorum participes nos recipiat Dominus Qua consideratione notum facimus universis tam futuris quam presentibus quod nove et sancte domui de Sarnaio fratribusque inibi Deo servientibus in Acquilina terram quamdam ad excolendum pro sustentatione fratrum in elemosinam donavimus sicut disterminatur incipiens a fossa Sancti Dionisii usque ad marchesium de Muterna et sicut distenditur a Folioso versus Hayam de Nialpha Quod donum facientes pro redemptione animarum antecessorum nostrorum regum Francie et pro salute anime nostre scripture contradi et sigilli nostri authoritate confirmari precipimus addito caractere nostri nominis Actum publice Parisiis anno ab incarnatione Domini millesimo centesimo sexagesimo regni nostri vigesimo quarto astantibus in palacio nostro quorum ascripta sunt nomina et signa Signum comitis Theobaldi dapiferi nostri Signum Guidonis buticularii Signum Mathei camerarii Constabulario nullo Data per manum Hugonis cancellarii et episcopi Suessionensis