Charter Document - 05020010
| Charter Number: | 05020010 |
|---|---|
| Cartulary Title: | Cartulaire de l'Abbaye de Notre-Dame des Vaux de Cernay |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1154 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis amen Ego Ludovicus Dei gratia Francorum rex et dux Aquitanorum locis Deo mancipatis opitulari et providere decet regiam benignitatem idcirco notum facimus universis presentibus et futuris quod fratribus de Sarnaio Milo de Nialpha et frater ejus Amauricus Magnam Hayam et totam terram de Exarto Roberti montes et valles boscum et planiciem dederunt in elemosinam et in liberam et quietam possessionem concedentibus uxore Amaurici Adelicia et filiis Milonis Symone et Milone Milo predictus de Nialpha in cujus feodo res constabat hanc elemosinam et hoc donum in manu nostra posuit ut eam regie potestatis brachio fratribus predicti loci deinceps conservemus et auctoritate nostra confirmemus Sed istud etiam notum esse volumus quod monachi de Sarnaco in grangia de Essarto Roberti Amaurico dabunt in festo sancti Remigii tres frumenti et tres avene modios Actum publice Parisius anno dominice incarnationis MCLIIII regni nostri XVIII astantibus in palatio nostro quorum sub titulata sunt nomina et signa S Guidonis buticularii S Mathei constabularii S Mathei camerarii Data per manum Hugonis cancellarii