Charter Document - 05010178
| Charter Number: | 05010178 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1312 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Notum facimus quod super processu commissionis nostre per Robertum de Villanova nunc baillivo Ambianensi facto inter priorem et conventum de Sancto Luppo Cerenti ex una parte et Philippum de So Lupo scuti ferum ex altera quem processum dicti religiosi dicentes se a dicti Roberti audientia appellasse pluribus rationibus petebant totaliter annullari dicto scuti fero plures rationes e contrario proponente auditis hinc inde propositis per arrestum nostre curie dictum fuit quod non obstante predicta appellatione que fuit per curiam nostram omissa sine emenda dictus processus valebit et tenebit et eumdem vocatis partibus perficiet idem Robertus ballivo nunc Silvanectensi ad hoc secum adjuncto et dabunt dictis religiosis nomina testium in eo productorum probationes et similiter dicti scutiferi probationes recipient tam super principali usque ad numerum sufficientem quam super replicationibus quas proponet ad defensionem partis adverse et sic in questam predictam pro utraque parte completam remittent ad curiam nostram judicandam in parlamento presenti In cujus rei testimonium sigillum castellati in absencia magni sigilli nostri presentibus litteris fecimus apponi Actum Parisius in parlamento nostro die mercurii ante Pasca anno Domini MCCCXI