Charter Document - 05010156

Je Thiebauz Lipoz de Vernuel chevaliers et Je Aveline Desprez sa femme fesons a savoir a tous ceux qui ces letres verront que nos avons doné et otroié a perpetuiel aumosne a leglise de Monseignor Seint Leu là où nos avons esleu nostre sepulture pour le salut de nos ames et de nos ancesseurs tous nos meubles et tous nos conquez en quelque lieu que il soient et aveques ce je devant dite Aveline ai doné et otroié a la devant dite eglise de Monseignor Seint Leu la quinte part de tout mon heritage en quelque lieu que il soit et quelques choses que ce soient Et pour ce que ce soit ferme et estable je devant diz Thiebauz et je devant dite Aveline avons mis nos seaux en ces presentes letres Ce fut fait en l'an de l'incarnation Nostre Seigneur M et CC et LXII le premier jour de mars