Charter Document - 05010151
| Charter Number: | 05010151 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1259 |
| Date type: | Internal, A.D. |
| Resource Link(s): |
|
Charter:
Ego Joannes de Villaribus Sti Pauli miles notum facio universis presentibus et futuris quod ego et Maria uxor mea ob remedium animarum nostrarum et antecessorum nostrorum et pro anniversariis nostris post decessum nostrum annuatim recolendis pari assensu dedimus et concessimus Deo et Ecclesie beati Lupi de Escerento in puram et perpetuam elemosinam tres quarteros vinee sitos apud Vilers in loco qui dicitur le Pin juxta vineam monachorum Fisquanensium sitam in loco qui dicitur Grandein que videlicet vinea movet a dicta Ecclesia Sti Lupi tali modo etiam quod fructus supradicte vinee ego prenominatus Johannes et Maria uxor mea quandiu vixerimus integre percipiemus Quod ut ratum sit et stabile et ne ab aliquibus successorum meorum dicta Ecclesia super hoc valeat perturbari presentem cartulam sigilli mei impressione roboratam prefate Ecclesie et monachis ibi Deo servientibus tradidi ad testimonium et munimen Actum anno Dni MCC quinquagesimo octavo mense januario Elisabet matris