Charter Document - 05010143
| Charter Number: | 05010143 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1251 |
| Date type: | Internal, A.D. |
| Resource Link(s): |
|
Charter:
Ego Johanna filia et heres inclite recordationis Philippi quondam comitis Bolonie et Claromontis universis ad quos presentes litere iste pervenerint in Dno salutem Noverit universitas vestra quod ego Ecclesie Sti Lupi ubi sepulturam meam elegi dedi legavi et concessi in perpetuam elemosynam pro anniversario meo ibi singulis annis faciendo omne illud quod habebam in villa Sti Lupi supradicti volens et statuens quod pro dicto dono dicte Ecclesie Sti Lupi a me facto et concesso et legato in perpetuum prior et conventus Sti Lupi teneantur singulis annis in perpetuum ad faciendum celebrari quolibet die unam missam pro Dei fidelibus in ecclesia sua supradicta pro anima mea et animabus patris mei et matris mee et antecessorum meorum Ut hoc ratum et firmum et stabile in perpetuum permaneat dictis priori et conventui tradidi presentes literas sigillo meo roboratas Actum anno Domini MCC quinquagesimo primo mense decembri