Charter Document - 05010140
| Charter Number: | 05010140 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Internal, A.D. |
| Resource Link(s): |
|
Charter:
Ego Colardus de Houdencort dictus Froissars notum facio universis presentibus et futuris quod dominus Johannes de Griviler miles pater meus in statu sane mentis constitutus assensu et voluntate mea et fratrum meorum et uxoris mee in perpetuam elemosinam dedit et concessit Ecclesie sancti Lupi de Escerento et ejusdem loci conventui unum modium bladi ad mensuram de Compendio ad valorem melioris quatuor solidorum minus singulis annis percipiendum in grangiam meam de Houdencort infra festum beati Martini hyemalis Quod ut firmum sit et stabile presentes literas sigilli mei impressione roboratas conventui dicte Ecclesie sancti Lupi tradidi ad testimonium et munimen Actum anno Domini MCC quinquagesimo mense mayo