Charter Document - 05010136
| Charter Number: | 05010136 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1245 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Manasserus thesaurarius Sti Lupi de Escerento et Symon de Chambliaco canonicus Sti Michaelis Belvacensis salutem in Dno Universitati vestre notum facimus quod cum super contentione que mota fuit inter Ecclesiam Sti Lupi de Escerento et capitulum Sti Michaelis Belvacensis super decima territorii quod est inter Mouneus et aquam Thare in nos a partibus esset compromissum sub pena viginti librarum parisiensum a parte resiliente ab arbitrio parti alteri arbitrium observanti reddendarum nos de consilio bonorum in dicto arbitrio procedentes diem partibus legitima inquisitione super predicta contentione prehabita coram nobis assignavimus Belvaci ad audiendum prolationem arbitrii Qua die procuratore ecclesie Sti Lupi pro ipsa Ecclesia et capitulo Sti Michaelis presentibus de bonorum consilio decimam predictam ecclesie Sti Lupi supradicte arbitrando perpetuo adjudicavimus In cujus rei testimonium et munimen presentes litteras sigillorum nostrorum appensione communivimus Actum in capitulo Sti Michaelis Belvacensis in octavas Ascensionis anno Dni MCCXL quinto