Charter Document - 05010134
| Charter Number: | 05010134 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1241 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Johannes Dnus de Turricula filius Dni Roberti junioris notum facio universis tam presentibus quam futuris quod Dnus Robertus junior pater meus de assensu et voluntate mea dedit Deo et Ecclesie beati Lupi de Hescerento in qua sibi specialem elegit sepulturam ob remedium anime sue et antecessorum suorum et pro anniversario suo annuatim recolendo tres modios vini singulis annis percipiendos apud Roteleu in domum suam de reditibus vini quos ipse habebat apud eamdem villam et hoc donum laudavi pariter et concessi Quod ut ratum sit et stabile et ne ab aliquibus successorum meorum dicta Ecclesia super hoc valeat perturbari presentem cartulam sigilli mei impressione sigillatam prefate Ecclesie et monachis ibi Deo servientibus tradidi ad testimonium et munimen Actum anno Dni MCC quadragesimo primo mense novembrium