Charter Document - 05010133
| Charter Number: | 05010133 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1241 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Joannes de Turricula miles filius Dni Roberti senioris et frater Dni Roberti junioris notum facio universis tam presentibus quam futuris quod ego ob remedium anime mee et patris mei et antecessorum meorum et pro anniversario meo annuatim recolendo dedi Deo et Ecclesie beati Lupi de Hescerento in qua cum patre et fratre meo specialem elegi sepulturam tres modios vini annuatim percipiendos apud Montem Thare super duas pecias vinee scilicet duos modios super vineam Noel et unum modium super vineam Marie la Gourlee Et hoc donum feci de voluntate fratris mei Reginaldi et aliorum amicorum meorum Quod ut ratum sit et stabile et ne ab aliquibus successorum meorum dicta Ecclesia possit inquietari presentem cartam sigilli mei impressione roboratam dicte Ecclesie et monachis ibi Deo servientibus tradidi ad testimonium et munimen Actum anno Dni MCCXL mense Januario