Charter Document - 05010128
Charter Number: | 05010128 |
---|---|
Cartulary Title: | La prieuré de Saint-Leu d'Esserent cartulaire (1080-1538) |
Charter Language: | Latin |
Charter Origin: | Religious |
Charter Type(s): | Confirmation |
Date: | 1239 |
Date type: | Internal, A.D. |
Resource Link(s): |
Cartulaires d'Île-de-France |
Charter:
Ego Stephanus prior Sancti Lupi et conventus ejusdem loci notum facimus universis presentes litteras inspecturis quod cum contentio esset inter homines nostros de Sancto Lupo ex una parte et majorem et juratos Communie Silvanectensis ex altera super eo videlicet quod dicebant se esse quitos de omnibus traversiis omnium habitatorum qui transibant per traversum civitatis Silvanectensis et omnium habitatorum quos capiebant infra traversum ejusdem civitatis et de consilio prudentum et voluntate nostra et assensu compositum esset inter homines nostros et majorem et juratos antedictos in hunc modum et nos compromisimus in viros probos videlicet Galterum de Pompoing Girardum des Aloes Nicholaum Minarium et Renerum de Porta qui inquirerent diligenter et bona fide qualiter usitatum est super collecta traversorum de habitis antedictis et inquisitione super hiis facta dictum arbitrorum tenebimus nos et homines nostri et cogemus eos ad tenendum tanquam domini illud dictum si venire contra illud vellent qui arbitri inquisitione super hiis diligenter et bona fide facta dictum suum reddiderunt in hunc modum quod homines nostri de Sancto Lupo et omnes ibidem manentes de omnibus habitis qui transibunt per traversum Silvanectensem reddent traversum et de habitis qui capientur in civitate Silvanectensi ex quo sint usi in villa Sancti Lupi sunt quiti de traverso et si non crederetur quum fuissent usi in villa ante dicta ipsi essent quiti per fidem et per juramentum et si habitus captus in civitate Silvanectensi transiret ultra villam Sancti Lupi predicti homines debent traversum Quod ut ratum et stabile permaneat majori et juratis tradidimus presentes litteras nostris sigillis sigillatas Actum anno Domini MCC trigesimo octavo mense januario