Charter Document - 05010119
| Charter Number: | 05010119 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1231 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis Xpi fidelibus presentes litteras inspecturis ego magister Richerus clericus comitis Bolonie canonicus Claromontensis salutem in Dno Noverit universitas vestra quod cum viri venerabiles et religiosi N[icolaus] prior totiusque conventus Sti Lupi de Hescerento dedissent et concessissent mihi ad vitam meam decimas suas venientes ad grangiam suam de Sto Albino et grangiam suam sitam in eadem villa cum omnibus hiis rebus quas ibidem habent ego pro salute anime mee et in recompensatione beneficii eorum dedi et concessi eis ad ecclesie sue in perpetuum in elemosinam quidquid acquisiero et edificavero in dicto loco et in eadem villa ita quod post decessum meum omnia supradicta ad ipsos et ad ecclesiam suam libere et pacifice et sine contradictione aliqua redibunt Et in hujus rei testimonium presentes litteras sigilli mei munimine roborari Actum anno Domini MCC tricesimo primo mense Decembri