Charter Document - 05010117

Prior Sti Lupi de Esserento et totus ejusdem loci conventus omnibus presentes litteras inspecturis salutem in Domino Noverit universitas vestra quod cum causa verteretur auctoritate apostolica coram viris venerabilibus videlicet decano archidiacono in Bria et officiali Meldensi inter nos ex una parte et abbatem et conventum beate Marie de Victoria juxta Silvanectun ex altera super decimis novalium de Aioio lite legitime contestata coram dictis judicibus nos et dicti abbas et conventus beate Marie de Victoria de consensu et voluntate dictorum judicum habito bonorum virorum consilio compromisimus in viros religiosos videlicet A[ubertum] abbatem beate Marie de Chagia Meldi et G[aufridum] priorem beati Nicolai juxta Silvanectum de dicta causa haut et bas hoc modo quod ipsi pronuntiarent pro voluntate sua de dictis decimis novalium jam factorum et deinceps faciendorum in toto nemore de Aiaio Dicti autem arbitri habito bonorum virorum consilio de consensu nostro et dictorum abbatis et conventus de Victoria pronuntiaverunt in hunc modum quod nos et dicti abbas et conventus pro equalibus portionibus et communiter dictas decimas novalium et jus percipiendi eas in perpetuum percipiemus possidebimus et habebimus Nomine autem decimarum intelligimus omne genus bladi et leguminis tam in ortis quam in aliis et decimas feni et omnium aliorum fructuum qui in dictis novalibus crescent exceptis decimis animalium et que occasione animalium reddi debent quas omnes decimas animalium et que occasione animalium reddi debent nos integre in perpetuum percipiemus et jus percipiendi habebimus in omnibus novalibus nemoris de Aioio factis et faciendis in quibus decimis animalium et que occasione animalium reddi debent abbas et conventus dicti de Victoria nihil habebunt [] Apud Carolilocum