Charter Document - 05010115
| Charter Number: | 05010115 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Milo Dei permissione Belvacensis Episcopus omnibus presentes literas inspecturis salutem in salutis authore Universitati vestre notum facimus quod Philippus miles de Sto Albino Symon frater suus et Eufemia soror eorum in nostra presentia constituti ecclesie Sti Lupi de Escerento pro remedio animarum suarum et antecessorum suorum contulerunt in perpetuam elemosynam et penitus quittaverunt quidquid juris habebant vel habere poterant tam in magna decima quam in parva de Sto Albino videlicet blado stramine forragio et in quibuscunque aliis ad magnam et ad parvam decimam pertinentibus Concesserunt etiam et dederunt eidem ecclesie masuram unam sitam juxta ecclesiam de Sto Albino ad edificandum ibidem grangiam et ad usus dicte ecclesie Felicia etiam uxor dicti Philippi in presentia nostra constituta quidquid juris habebat vel habere poterat in omnibus supra dictis sive nomine dotis sive quocumque alio modo dicte ecclesie spontanea voluntate penitus quittavit Et sciendum quod dicti Philippus Symon frater suus et Eufemia soror eorum et Felicia uxor Philippi de omnibus supra scriptis in manu nostra se desaisiverunt renunciantes omni juri et auxilio sibi competenti vel competituro promittentes etiam et fide corporali in manu nostra prestita firmantes quod de cetero in omnibus suprascriptis ratione cujusque juris per se vel per aliam personam nihil penitus reclamabunt vel reclamare facient sed dicte ecclesie de omnibus premissis legitimam portabunt guarandiam adversus omnes qui juri et justitie parere noluerint Prior autem et conventus Ecclesie Sti Lupi in hujus rei recompensationem Philippo militi et Felicie uxori sue Symoni fratri ejusdem Philippi et Eufemle sorori eorum contulerunt quatuor viginti libras parisiensis monete Nos vero ad petitionem eorumdem Philippi militis Felicie uxoris sue Simonis fratris Philippi et Eufemle sororis eorum priori Sti Lupi investimus et saisimus salvo jure Episcopali et ecclesie Belvacensis In cujus rei testimonium presentes literas sigilli nostri munimine roboravimus Actum apud Bragellam anno Dni millesimo ducentesimo vigesimo quinto mense septembri