Charter Document - 05010114
| Charter Number: | 05010114 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego frater [Nicolaus] humilis prior Sti Lupi de Hescerento et totus conventus ejusdem loci notum facimus universis presentes literas inspecturis quod Willelmus Poudriere et Petrus frater ejus et Maria soror ipsorum hospites nostri et heredes sui pro se debent singulis annis ecclesie Beate Marie de Victoria decem minas bladi semi sicci et moitien et decem minas avene adductas ab ipsis Silvanectem et mensuratas ad mensuram beati Lupi infra muros civitatis et infra octabas Sti Remigii persolvendas Sciendum est autem quod dicti viri G et P et M soror eorum tenentur solvere decem dictas minas bladi et decem minas avene pro octo arpennis terre arabilis et duabus masuris quas habent sub nobis et tenebant a Johanne de Avennis ad causam dicti bladi et avene Qui dictus Johannes de assensu Marie uxoris sue et heredum suorum dicte Ecclesie de Victoria sepe dictum redditum vendidit et quittavit Solutionem vero dicti redditus prout prius determinavimus dicti G et P et M fide corporis interposita se observaturos de cetero firmaverunt similiter et illi ad quos predicta terra vel masura devolventur post ipsos ad hoc tenebuntur Quod ut ratum habeatur presentem cartulam sigilli nostri conventus impressione roboratam sepe dicte ecclesie dedimus in testimonium et munimen Actum anno Domini MCC vicesimo quinto mense maio