Charter Document - 05010111
| Charter Number: | 05010111 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 |
| Date type: | Internal, A.D. |
| Resource Link(s): |
|
Charter:
Ego Guillelmus Dei gratia Lingonensis Episcopus notum facio presentibus et futuris presentem paginam inspecturis quod Garnerus miles de Muciaco et Haso germanus ejus canonicus Ecclesie Sti Laurentii in Genevilla dederunt in elemosinam perpetuam ecclesie Sti Lupi de Hescerento et monachis ibi Deo servientibus in Belvacensi diocesi quemdam hortum apud Vuirmas qui vocatur hortus Mathei Theison et qui fuerat avunculi sui Radulfi de Tranella Elisabeth uxore predicti Garnerii militis et filiis et filiabus suis hoc donum laudantibus et concedentibus Preterea sciendum est quod ipsi quindecim libras parisiensis monete a predictis monachis karitative sibi collatas acceperunt Quod ut ratum permaneat semper et inconvulsum ad preces predictorum G et H et prefate mulieris litteras meas patentes sigilli mei munimine roboratas predictis monachis de Hescerento dedi in testimonium et munimen Actum apud Stum Lupum anno Verbi incarnati MCCXIX mense Aprili