Charter Document - 05010110
| Charter Number: | 05010110 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1211 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
P[hilippus] Dei gratia Belvacensis episcopus omnibus ad quos littere presentes pervenerint in Dno salutem Noverit universitas vestra quod cum dilecti in Xpo filii prior et monachi Sci Lupi percipiunt annuatim in ecclesia de Sinunquieto duas partes candelarum in festo purificationis beate Marie et in crastino nathalis duas partes panis et inter ipsos et presbiterum de Sinunquieto controversia haberetur de duabus partibus oblationis festi beati Martini quos dicti prior et monachi ad jus suum pertinere dicebant et de quadam mansura herbergarie dicti presbiteri adjacente quam dictus presbiter tenebat in vilenagio de censiva Sci Lupi tandem ad nostrum interventum et ad presentiam amici nostri karissimi Dni Bartholomei de Roia Franchie camerarii qui nobis proximus erat sic fuit statutum quod prior et monachi prefati habebunt perpetuo duas partes oblationis festi beati Martini estivalis solummodo et prior et monachi concesserunt dicto presbitero prefatam mansuram perpetuo ab omni obnoxietate liberam nisi solummodo de censu sex nummorum Quod ut ratum permaneat presentes litteras salvo jure episcopali sigilli nostri fecimus impressione muniri Actum Belvaci anno gratie MCC decimo mense januario