Charter Document - 05010094
| Charter Number: | 05010094 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1200 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine Patris et Filii et Sps Sci Ad notitiam presentium et futurorum volumus litteris tradere consuetudinem que est inter Ecclesiam beati Lupi et Girardum et Ivonem qui portum jure hereditario tenent de peregrinis qui ad altare Sci Lupi veniunt transvehendis Omnes peregrini qui ad altare Sci Lupi de ultra aqua[m] de quocumque loco venerint cujuslibet terre vel regionis fuerint eundo et redeundo gratis vectabantur Si equitaturas habuerunt pro ipsis naulum persolvent Si de castello Donni Martini venerint peregrini cum equitaturis gratis vectabantur Si de territorio Belvacensi vel de alio loco venerint si transire aquam noluerint naulum persolvent Pueri infra VII annos degentes nil persolvent ad portum Si vero aliquis cujuscumque terre vel regionis ad alium quemlibet portum transierit et inde revertens ad portum venerit ad altare beati Lupi venire volens absque naulo transibit Ut autem hoc ratum et firmum habeatur carta cum cyrographo per medium scindetur et testes apponentur ut Ecclesia suam partem habeat et jam dicti homines portum tenentes aliam custodiant Testes sunt hujus rei Symon Choisellus Gondagrius filius ejus Lambertus prepositus Daelinus de Portu Lambertus de Portu alii multi