Charter Document - 05010091
| Charter Number: | 05010091 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1197 |
| Date type: | Internal, A.D., Calendar |
| Resource Link(s): |
Cartulaires d'Île-de-France |
Charter:
Ego Ludovicus Blesensis comes et Claromontensis omnibus tam futuris quam presentibus notum facio quod ego laudante et concedente uxore mea Katharina dedi Hunodo servienti meo et heredi pro amore Dei et pro servitio suo in perpetuum duos modios frumenti ad mensuram Parisiensem singulis annis in grangia mea de Credolio in festo Sti Remigii percipiendos et de hoc dono dictum Hunodum in hominem ligium suscepi Et ut hoc ratum et inviolabile teneatur presenti pagine commendari feci et sigilli mei impressione muniri et nomine testium subnotari Testes Radulphus de Tornella Radulphus Digy Gilo de Monz Ansellus de Plaissaio Andreas clericus Theobaldus clericus Hansouelus de Claromonte Ricardus Russel Datum Britulii anno Incarnati Verbi MCLXXXXVII mense maio pridie Kal junii per manum Teobaldi