Charter Document - 05010085
| Charter Number: | 05010085 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1178 |
| Date type: | Internal, A.D. |
| Resource Link(s): |
|
Charter:
Ego Theobaldus Dei misericordia Ambianensis Episcopus tam presentibus quam futuris notum facio quod Petrus de Alliaco concedente uxore sua Agnete concedentibus etiam filiabus suis Margarita et Matilde Eustachio etiam de Vilaincort dno suo de quo ipse tenebat Elisabeth uxore sua et Joanne filio eorum concedentibus concessione etiam dne Beatricis de Bova domno Roberto marito suo tunc temporis Jerosolimam profecto de quo totum feodum pendet quidquid in decima de Alliaco habebat vel per augmentum processu temporis ex eo ei poterit provenire fratribus Templi in perpetuam elemosinam habendum concessit et per manum nostram reddidit sub annuo censu sex modiorum frumenti et totidem avene de tali utique frumento quod de decima illa proveniet sibi et heredibus suis persolvendo Porro decima collecta in unum secundum antiquam consuetudinem in loco ad hoc deputato reponetur nec ad alium locum nisi de communi consensu participum transferetur siquidem pretaxatus census in frumento et avena jam dicto Petro et heredibus illius apud Alliacum de fructu ejusdem decime quando triturabitur et participibus que eos portio contingit dividetur ad mensuram de Alliaco persolvetur sive apud domum Templi Verum neque Eustachius pro defectu servitii a Petro vel heredibus suis exhibendi neque dominus de Bova aliquando pro servitio suo decimam illam saisire poterunt nisi predictos duodecim modios Hujus rei testes sunt Radulphus decanus Vuillelmus prepositus Vuarinus Ingelranus archidiaconus Symon de Mondisderio Balduinus de Pas De militibus Symon de Alliaco Bernerius de Morolio Fulco de Cheru Ibertus de Gumella Vualterius Brito Drogo de Vaus Eustachius Canis magister et procurator elemosinarum templi in Francia frater Rogerus de Mondisderio frater Albertus frater Rainaldus Factum anno incarnati Verbi MCLXXVIII Datum per manum Roberti