Charter Document - 05010069
| Charter Number: | 05010069 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1154 |
| Date type: | Assigned |
| Resource Link(s): |
Cartulaires d'Île-de-France |
Charter:
Notum sit omnibus presentibus et futuris quod Vualterius de Belmonte filius Gauterii cognomento Rosset contulit Deo et monachis in ecclesia beati Lupi commorantibus ecclesiam et atrium minutamque decimam et quidquid ad jus presbiteri pertinet in villa que dicitur Campanis idipsum laudante Matheo Belmontis comite ex cujus feodo hec ipsa videbatur possidere Ad quam concessionem fuerunt presentes Adam de Praeriis et Vuarnerius frater predicti Vualterii Postquam vero est idem Vualterius defunctus et ad ecclesiam beati Lupi ad sepeliendum est allatus donum quod ipse fecerat laudaverunt isti subnotati uxor scilicet ejus nomine Eldiburgis et Beatrix mater ipsius fratres ipsius Aimo archidiaconus Vuarnerius et Frogerius In quorum parte fuerunt in testimonium Adam et Paganus de Praeriis Ex parte monachorum fuerunt Vuarnerius cognomento Chatums et Petrus de Valle et Vuilboldus de Croeio et Rodulfus de Baierna famuli etiam monachorum Lambertus et Arnulfus