Charter Document - 05010057
| Charter Number: | 05010057 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1143 - 1159 |
| Date type: | Assigned |
| Resource Link(s): |
Cartulaires d'Île-de-France |
Charter:
Theobaldus Dei gratia Parisiensis episcopus notum fieri volo cunctis ecclesie fidelibus tam posteris quam presentibus Paganum militem de Lis concessisse in elemosinam religiosis monachis ecclesie Sti Lupi de Hescerento quamdam partem totius decime de Morolio in perpetuum possidendam assensu Rorici de Andeli et liberorum ejus de cujus feodo se tenere dicebat Et ut hanc decimam ecclesie beati Lupi canonice possideret prefatus Paganus eam in manu Nicolai decani nostri reddidit et Nicolaus vice nostra priorem Ademarum investivit Nosque hoc concedimus et confirmamus et ut in posterum omnibus ratum habeatur presenti scripto annotari fecimus et sigilli nostri impressione roboravimus