Charter Document - 05010052
| Charter Number: | 05010052 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1133 - 1144 |
| Date type: | Assigned |
| Resource Link(s): |
Cartulaires d'Île-de-France |
Charter:
Ego Oddo Dei gratia Belvacensium episcopus petitioni servorum Dei libenter vice Christi annuens ad ea que eis in elemosina conferuntur nostram prompte exhibeo confirmationem Gundagrius de Credulio quidquid Oddo frater suus habebat in decima de Caufri eo die quo occisus est pro ejusdem fratris sui anima suaque et suorum salute dedit monasterio Sti Lupi de Hescerento concedentibus sororibus suis et uxore ejusdem Oddonis Hoc donum prenominatus miles in manu nostra ut jus erat reddidit testantibus atque videntibus venerabilibus viris Galterio abbate de Sto Simphoriano et magistro Helinando Belvacensis ecclesie canonico necnon Herlangerio nepote nostro et quodam clerico Lancelino Quod et nos predicto monasterio sub jam dictis testibus concessimus et literis nostro sigillo signatis salvo jure ecclesie Belvacensis confirmavimus et infirmare volentes hanc elemosinam suis calumniis excommunicamus