Charter Document - 05010050
| Charter Number: | 05010050 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1144 |
| Date type: | Internal, A.D. |
| Resource Link(s): |
|
Charter:
In nomine Ste et individue Trinitatis Amen Ego Odo Dei gratia Belvacensis Episcopus utilitati et quieti servorum Dei providens de rebus ecclesiasticis de manibus laicorum abstractis paterna benignitate eis studeo impertiri ut liberius et securius Domino valeant famulari Igitur Ecclesiam de Calferiaco cum altari et atrio totamque decimam ejusdem ville et tertiam partem decime de Aurenniaco de manibus eorum qui non juste nec licite possidebant nec a nobis nec ab antecessoribus nostris tenebant abstrahentes dilectis amicis nostris monachis cluniacensibus in ecclesia beati Lupi commorantibus canonice tradidimus ac perpetuo jure possidenda concessimus Et hoc donum presenti carta sigillo nostro roborata confirmavimus salvo per omnia jure Belvacensis Ecclesie Actum est hoc anno ab incarnatione Dni nostri Jesu Christi millesimo centesimo quadragesimo quarto