Charter Document - 05010046
| Charter Number: | 05010046 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1144 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine Sancte et Individue Trinitatis Ego Ludovicus Dei gratia Rex Francorum et dux Aquitanorum Que fidelium sta devotio ad usus pauperum X largiri decrevit ecclesiis facile perversorum malitia nititur infirmare nisi regalibus munimentis firmentur Notum itaque facimus omnibus tam futuris quam presentibus quidquid Rainaldus comes Claromentensis et uxor ipsius Clementia comitissa in transverso pontis Credulii ecclesie beati Lupi Hescerentis monachisque ibidem famulantibus Deo tribuerunt nos quidem concessisse et authoritatis nostre privilegio confirmasse Concedimus etiam atque firmamus prefate ecclesie beati Lupi quidquid genitor noster venerande memorie Ludovicus in nemoribus nostris usibus fratrum infirmorum loci ejusdem hospitumque donavit Quod ut perpetue stabilitatis obtineat munimenta scripto commendari sigilli nostri impressione signari nostrique nominis subtus inscripto karactere corrobari precepimus Actum publice Parisius anno ab incarnatione Domini MCXLIIII regni vero nostri VIII astantibus in palatio nostro quorum nomina sub titulata sunt et signa Signum Radulfi Viromandorum comitis dapiferi nostri S Mathei camerarii S Mathei constabularii S Guillelmi buticularii Data per manum Cadurci cancellarii