Charter Document - 05010044
| Charter Number: | 05010044 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1144 |
| Date type: | Assigned |
| Resource Link(s): |
|
Charter:
Odo Dei gratia Ste Belvacensis ecclesie Episcopus universis catholice matris Ecclesie filiis et fidelibus tam futuris quam presentibus eternam in Dno salutem Noveritis omnes X fideles quod Rainaldus Claromontensis comes divino instinctu commonitus pro sua suorumque parentum et antecessorum salute contulit Deo ecclesieque beati Lupi de Hescerento totam tertiam partem transitus pontis de Credulio Hoc vero donum laudavit ac benigne concessit Clementia uxor pre dicti comitis cum filio suo Guidone annuentibus etiam omnibus majoribus natu de Credulio qui in predicto transitu pontis partes suas habere videbantur Verum ut hoc donum firmum ac stabile et ab omnibus per succedentia tempora illesum subsistere posset predictus comes nobis mandavit et humiliter deprecatus est ut divine pietatis sueque dilectionis respectu donum suum et eleemosynam literis nostris sigillo authoritatis nostre munitis confirmaremus et omnes illos qui deinceps monachis beati Lupi super hac re aliquod damnum vel fraudem vel violentiam inferre tentaverint sub anathemate poneremus Cujus nos precibus cogente charitate annuentes donum istud literis nostris canonico more sigillatis confirmamus et omnes illos sub anathemate ponimus et excommunicamus qui quodlibet damnum parvum vel magnum super hac re monachis beati Lupi intulerint