Charter Document - 05010043
| Charter Number: | 05010043 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1144 |
| Date type: | Assigned |
| Resource Link(s): |
Cartulaires d'Île-de-France |
Charter:
O[doni] Dei gratia venerabili Belvacensium Episcopo R[enaldus] Claromontensis comes juxta quod justum est exequi noveritis karissime ac reverendissime Pater quod ego gratia Dei preventus omniumque procerum meorum part consilio similique voto commotus contuli Deo Ecclesieque Beati Lupi de Hescerento totam tertiam partem transitus pontis de Credulio Quod donum ut stabile firmumque permaneat vestram commoneo ac exoro benevolentiam quatinus divine pietatis nostreque dilectionis respectu illud donum vestris literis confirmetis et canonico more sigillo authoritatis vestre ne qua posterorum fraude vel violentia infirmari queat muniatis et omnes illos qui super hac re monachis Beati Lupi nocere voluerint vel aliquod damnum inferre tentaverint vigore ecclesiastice discipline coherceatis Valete