Charter Document - 05010036
| Charter Number: | 05010036 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1138 - 1150 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Amen Notum sit omnibus tam futuris quam presentibus quod Radulfus filius Radulfi militis Escerentis dedit ecclesie beati Lupi monachisque ibi famulantibus pro anima sua et antecessorum suorum quartam partem decime Escerentis que de feodo ejusdem ecclesie erat et hoc tali pacto quod quemdam suum nepotem Radulfum nomine monachum facerent cui prius medietatem ejusdem quarte partis quam Havis tenebat post mortem ejusdem Havidis concesserat et de altera medietate quarte partis unum modium frumenti monachi in vestitura per singulos annos haberent dum Radulfus et uxor sua Maria viverent quibus defunctis nullus superveniens heres in hoc dono hereditatem habereti Hoc donum factum et datum est in presentia et in manu Ademari secundi prioris Hujus rei testes fuerunt Berengarius supprior Rainaldus monachus Evrardus presbyter Odo Delbroil Radulfus de Praeriis Nicolaus filius Vualonis Gaufredus miles Vualterius filius Lamberti Vuillelmus famulus Arnulfus famulus et Fulco filius ejus Bernardus famulus Lambertus et Robertus fratres ejus Theodericus ceumentarius