Charter Document - 05010027
| Charter Number: | 05010027 |
|---|---|
| Cartulary Title: | La prieuré de Saint-Leu d'Esserent cartulaire (1080-1538) |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1124 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Petrus Belvacensis ecclesie Dei gratia Episcopus notificare volo omnibus fidelibus quoniam Dei amore et karitatis causa consilio ac favore canonicorum nostrorum Ecclesie beati Lupi atque monachis ibidem Domino servientibus quietam clamavi et omnino condonavi omnem sui proprii vini consuetudinem que ad ipsum pertinebat et que a Belvacensibus foragium vocatur eo videlicet tenore ut quotiescumque Belvaci vendere voluerint prenominati fratres proprium vinum nullam omnino consuetudinem nullum videlicet foragium Belvacensi Episcopo persolvant Insuper et adjeci ut donum quod Odilo castellanus et Adam filius ejus Ecclesie beati Lupi de parte foragii que ad eos pertinebat concesserant ego ex benignitate libenter concessi Que dona ut stabilia atque firmissima permanerent et ne quis successorum aliqua temeritate illa violare presumeret cartulam istam super hoc fieri precepi quam more majorum sigillo meo sigillavi Actum Belvaci anno ab Incarnatione Domini MCXXIIII Indictione secunda