Charter Document - 05010002

Vuido Dei gratia S Belvacensis Ecclesie Episcopus omnibus S Matris Ecclesie filiis tam futuris quam presentibus post laboriosam seculi hujus peregrinationem quietam in celestibus conversationem Quia omnipotens Deus fideles suos inter peregrinationis erumnas ad vite patriam festinantes non solum spiritualibus [sed] et corporalibus bonis ne in via deficiant dignatur sustentare ideo ad cunctorum notitiam fidelium volumus pervenire qualiter villa que dicitur Esserens cum ecclesia et altari de manu Hugonis comitis de Domno Martino exierit et ad dominium monachorum Cluniacensium pervenerit et quod Dei pietas nostris temporibus per manum nostram dignata est confirmare Hugo Comes de Domno Martino prefatam ecclesiam cum altari quam tenebat quia in nostro Episcopatu sita erat nobis reddidit quam postea cum altari similiter beato Petro Cluniacensi et ejusdem monachis fratribus nostris donavimus et coram conventu nostrorum deinceps habendam concessimus Postea vero comes idem Hugo divino instinctu prefatam villam et omnia ad eam pertinentia terras scilicet arabiles et sylvas prata et vineas servos et ancillas amnem quoque subter currentem cum transitu predicte Cluniacensi ecclesie donavit exceptis quorumdam beneficiis militum que deinceps possidenda concessit annuente Philippo Rege et Hugone Regis fratre de Crespeio et ejus uxore Adela Si quis vero militum prefate ville beneficia tenentium B Petro suum beneficium aliquando vellet dare omnino sibi facere liceret absque ulla requisitione pecunie quam idem Comes Hugo vel aliquis successorum ejus exigeret Ut igitur hec inconvulsa permaneant cum nostris abbatibus et ecclesiasticorum nostre ecclesie venerabili conventu necnon primis totius nostri episcopatus sicut sunt prescripta confirmamus Ex parte etiam Dei omnipotentis beatorum quoque Apostolorum Petri et Pauli et authoritate nostra omnes qui contra venire vel contradicere presument excommunicavimus Rohardis vero uxor Hugonis comitis de Domno Martino et filius ejus Petrus et filie ejus Basilia Adela et Eustachia presentes fuerunt et prefatum donum laudaverunt Philippus Rex laudavit et confirmando subscripsit Actum tempore Hugonis Cluniacensis abbatis anno ab Incarnatione Domini MLXXXI Indictione IV