Charter Document - 05000019
| Charter Number: | 05000019 |
|---|---|
| Cartulary Title: | Cartulaire du prieuré bénédictin de Saint-Gondon sur Loire, 866-1172 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1100 - 1125 |
| Date type: | Assigned |
| Resource Link(s): |
Cartulaires d'Île-de-France |
Charter:
Notum sit omnibus tam presentibus quam futuris quod domnus Radulfus de Sancto Gundulfo infirmatus in die sancto Pasche mandavit monachos Sancti Florentii Giraudum priorem et Girardum Nutritum et alium Girardum Raginaldum atque Rotbertum qui illis diebus in monasterio Sancti Gundulfi manebant et ab illis supliciter monachilem habitum sancte religionis quesivit Quod impetravit et pro hac susceptione necnon pro remedio anime patris et matris dedit omnipotenti Deo et sancte Dei genitrici Marie et sancto Gundulfo sanctoque patri nostro Florentio de rebus facultatibusque suis quas paterno jure possidebat terram que est in Valle Ligeris que partitur cum Gilone clerico et terram de Traval que partitur cum comite et hastam que est juxta Vinnalium et terram quam colebat Robertus Brito que partitur cum comite et quod habebat ad Petram Marol et pasnagium in omnibus silvis suis omnium porcorum suorum dominicorum necnon et Tetbaudum Gomant et uxorem ejus et omnes qui nascentur ex illis et sororem Tetbaldi filiumque ejus et feminam Tetbaudi filii Girberge filiam Girardi de Mesola et sex denarios de Pagano filio Adelelmi Insuper concessit quod si inspirante Deo aliquis de ominibus suis de feodo suo aliquid pro remedio anime sue Deo et monachis dare vellent libere et absolute hoc agerent Omnia ista supradicta annuerunt Acaleia uxor ejus et Archenbaudus filius ejus Herbertus miles testis Landricus filius ejus Renardus Hugonis filius Guillelmus Garini filius Balduinus filius Hersendis Gilo clericus Vaslinus preses Iterius Liquois Girardus Tarieta Hugo de Sancto Maxentio Teoinus de Blanoil Vaslinus Forredus Santholinus Burgundus Rotbertus Aglet