Charter Document - 04980060
| Charter Number: | 04980060 |
|---|---|
| Cartulary Title: | Cartulaire du prieuré de Saint-Christophe-en-Halatte, Fleurines |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1354 |
| Date type: | Internal, A.D. |
| Resource Link(s): |
|
Charter:
Frater Johannes Cambellan in Decretis licenciatus Prior Prioratus et monasterii Beate Marie de Caritate super Ligerim Cluniacensis ordinis Antissiodorensis dioecesis carissimis fratribus nostris monachis conversis et familie domus nostre et Prioratus Sti Christophori in Allata Belvacensis dioecesis necnon universis et singulis religiosis nobis subditis salutem et fraternam dilectionem Resignatione facta pure et libere in manibus nostris dicti Prioratus dicte domus nostre Sti Christofori in Allata per carissimum fratrem nostrum dampnum Guidonem de Veteri Castro vel ejus Procuratorem nuper Priorem dicti Prioratus Sti Christophori in Allata et per nos jure nostro recepta et admissa causa permutationis et non alias facienda cum carissimo fratre nostro dampno Zacharia Parentis sacrista prioratus Sti [] Eduensis dioecesis ejusdem Cluniacensis ordinis predictum fratrem nostrum dampnum Zachariam Parentis cui conferimus contulimus et per presentes donamus dictum Prioratum Sti Christophori in Allata vobis monachis ejusdem Prioratus mandantes quatenus predictum dampnum Zachariam Parentis aut procuratorem suum ad hoc legitime constitutum in realem actualem et corporalem possessionem dicti Prioratus Sti Christophori in Allata juriumque et pertinentium suorum ponatis et inducatis ac inductum deffendatis et in Priorem ejusdem Prioratus Sti Christophori in Allata recipiatis et admittatis adhibitis solempnitatibus in talibus fieri consuetis necnon in omnibus supradictis sibi tanquam vero et legitimo Priori ejusdem Prioratus obediatis humiliter et devote et in agendis dicti Prioratus et negotiis sibi impendatis auxilium consilium et juvamen Datum in dicto nostro monasterio Caritatensi die quinta mensis Martii anno Domini millesimo quadringentesimo quinquagesimo quarto sub sigillo nostro et signo nostro manuali Cambellan