Charter Document - 04980047

A tous ceulx qui ces presentes lettres verront et orront nous Simons de Feulleuses chevalier fais ascavoir que Je sui tenus a delivrer au Prieur et aux moines de Saint Christophe lor mesure mansura de Riu devant le montier dedans les trois semaines de la [] prochaine qui vient en telle manière Je sui tenus a delivrer la mesure devant ditte audit Prieur et aux moines suivant la promesse et devise qu'ils ont de moy et de ce fere sont Pleges messires Simons de Villers [St Paul] et messire Thibaut de Folleuses chevalier a tenir prison a Creil si que defaloye de ce faire et por ce que soit ferme et estable nos avons ces presentes lettres scelle de notre scel Ce fut fet en lan de grace mil deux cent soixante et quinze le mardy devant la St Lorens Egidius de Courcellis Baillivus silvanectensis Preposito Clarimontis salutem Mandamus vobis quatenus ea que in litteris presentibus hiis annexis continentur exequamini et exequi faciatis loco nostri prout justum fuerit diligenter Datum anno Domini MCCLXXVI die Dominica in octavis Pentechostes