Charter Document - 04980046
| Charter Number: | 04980046 |
|---|---|
| Cartulary Title: | Cartulaire du prieuré de Saint-Christophe-en-Halatte, Fleurines |
| Charter Language: | Latin |
| Charter Origin: | Lay |
| Charter Type(s): | Assignment |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis officialis curie Belvacensis salutem in Domino Noverint universi quod coram nobis constituta Agnes relicta Noviondi de Rieu recognovit se quitasse et concessisse Priori Sti Christofori de halata quidquid juris habebat vel habere poterat ratione dotis dotalitii seu donationis propter nuptias vel altera ratione in tota terra seu hereditate quam dictus Noviondus habebat vel habere poterat in villa et territorio Sti Christofori de halata tempore contracti matrimonii inter ipsos Noviondum et Agnetem ubicumque et in quibuscumque rebus consistat et consistere possit pro sexdecim libris paris de quibus dicta Agnes fide data quod contra quictationem et concessionem predictas per se vel per alium non veniet in futurum et quod in premissis nichil de cetero reclamabit vel faciet reclamari quacumque ratione et maxime ratione dotis dotalitii seu donationis propter nuptias vel altera ratione et de legitima garandia ferenda dicto Priori et ejus successoribus dictum Prioratum tenentibus ad usus et consuetudines patrie contra omnes [] In cujus rei testimonium presentes litteras sigillo curie Belvacensis fecimus communiri Datum anno Domini MCCLXXV die Martis ante Ascensionem Domini