Charter Document - 04980016

Je Pierre Choisiax chevaliers sires du Plessie et Marie ma femme fommes scavoir a to ceux qui cest escript verront que nos avons donne en perdurable aumone a l'Eglise de St Christophe en halate et aux moines de celi lieu une piece de terre qui siet de lez le cimetierre de Palegni fransche et quite et en tel maniere que ie ne ma femme ne mi oir ne poons reclamer nul segnorie et sil avenoit que lon fesit force de cette chose somes tenus a garantir et li moines de ce liu sont tenus à rendre deux sols chacun an a la feste St Remy a moi ou a mon oir et sil en défailloient ils seroient tenus a rendre sept sols et demy pour lamende et que ceste chose soit ferme et estable a toiours ie et ma feme avons fet seler ces presentes lettres de nos deux seaux en tesmognage et en efforcement et ce fust fest lan de l'Incarnation MCCXL on mois de septembre