Charter Document - 04980007
| Charter Number: | 04980007 |
|---|---|
| Cartulary Title: | Cartulaire du prieuré de Saint-Christophe-en-Halatte, Fleurines |
| Charter Language: | Latin |
| Charter Origin: | Lay |
| Charter Type(s): | Renunciation |
| Date: | 1218 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Magister Gaufridus canonicus et officialis Silvanectensis omnibus presentes litteras inspecturis salutem in Domino Noveritis quod cum Bisendus de Forfere miles traxisset in causam monachos sancti Christofori de Halatis coram Domino Guidone Buticulario Silvanectensi super decima de Balegni quam dicebat jure feodi ad se pertinere tandem de consilio amicorum suorum idem Bisendus in presentia nostra constitutus quidquid juris in eadem decima reclamabat dictis monachis in perpetuum fide interposita quitavit et eam in manu nostra resignavit et nos de ea ad preces ipsius Bisendi prefatos monachos investivimus In cujus rei memoriam presentes litteras sigillo curie Silvanectensis fecimus communiri Actum anno gratie MCCXVIII mense Maio