Charter Document - 04972010
| Charter Number: | 04972010 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1246 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Officialis curie Parisiensis salutem in Domino Notum facimus quod in nostra presentia constitutus Galterius presbiter Sancti Eustachii de Foresta Rothomagensis diocesis filius quondam defuncti Stephani de Leviis recognovit coram nobis se dedisse et concessisse in puram et perpetuam elemosinam viris religiosis abbati et conventui Sancti Dyonisii in Francia decimam quam habebat jure hereditario ut dicitur in territorio quod vocatur Levies inter forestam Sancti Dyonisii et aquam que vocatur Yveta ut dicitur et quatuor denarios annui census habendos et percipiendos a dictis abbate et conventu annuatim in posterum super quadam pecia prati et terre sita inter dictam forestam et aquam de Yvetta ut dicitur in censiva ecclesie Sancti Dyonisii predicti utdicitur Que pecia prati et terre ad ipsum pertinebat jure hereditario ut dicebat unacum octo denariis capitalis census quos ipsi abbas et conventus habent et percipiunt ratione censive annuatim in festo sancti Andree promittens fide in manu nostra prestita corporali quod contra premissa per se vel per alium non veniet in futurum Quod autem audivimus hoc testamur salvo jure alieno Actum anno Domini millesimo CCXL octavo mense junio