Charter Document - 04971026

Sachient tuit que ces presentes lettres verront que je Gaucelin Baudil procureur et resceveour généraulx du noble et puissant seigneur messire Philippe de Levis chevalier seigneur de Florensac et de Mailly le Chastel cognoit et confesse avoir eu et resceu de Garniet Robiolle bourgoys de Paris dix frans deus pour raison du rachiat de certaine quantité de vin tenu en fief de mon dit seigneur prins et resceu au lieu de Fontaney pour ledit Garniet a cause de Gellette sa femme De laquelle somme desdits X frans je en nom de mon dit seigneur men tient encontent et en quitte ledit Garniet et ladite Gellette sa femme et tous ceulx a qui quittance en puet et doit appartenir et parmy ce je ai mis et mets ledit Garniet Robiolle en la suffrence de mondit seigneur jusqua sa venue sauf en toutes chousses le droit de mondit seigneur et tout autre Lequel fié est tenu de mondit seigneur à cause de son chastel et chastellenie de Maigny Lessart juxte Chastel [] Donné audit Maigny Lessart le dimenge XVII jour du mois de may lan de grace mil CCCIIII et huit Et parmy ce nous avons levé et levons la main de mondit seigneur dudit fief et de tous les [] estant dudit fief et eschouz depuis la main mise Donné comme dessus