Charter Document - 04971025
| Charter Number: | 04971025 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1295 |
| Date type: | Internal, A.D., Calendar |
| Resource Link(s): |
|
Charter:
Noverint [] cum nos Joannes de Monteforti comes Squillacii et Montis Caveosi ac regni Sicilie camerarius Bernardus de Convenis miles primogenitus D comitis Convenarum nomine ac pro parte Laure de Monteforti consortis nostre Laura de Monteforti predicta et domicella Elienors de Monteforti quasdam terras villas castra et jura feudalia pertinentia nobis jure successionis paterne et materne quondam bone memorie D Philippi de Monteforti patris et D Joanne de Leviers matris nostrum predictorum Joannis Laure et Elienoris tam in Francia quam in Albigesio Radesio Agadesio et Narbonesio communia possideremus et haberemus placuit mihi predicte Elienori scire et habere velle partem meam in predictis ratione predicte successionis contingentem [] De communi voto et consensu nostrum omnium predictorum ac etiam tractatu virorum nobilium D Guidonis de Leviers D Mirapiscis charissimi avunculi nostri necnon D Joannis de Alneolo D de Denisiaco et D Joannis de Burlaccio senioris facta est mihi predicte Elienori et assignata finaliter de predictis bonis pars subscripta videlicet terra de Bertoldi Curia cum castellaria sua [] pro CCCC libris turonensibus [] tali pacto [] Item Castra Aviacii et Beciani in Agadesio cum suis juribus et pertinentiis et XL libras turon assignentur mihi in reditibus cum omni jurisdictione alta et bassa super villa de Bezola sita in Radesio de qua parte sum firmiter et bene contenta quitans predictis consortibus meis omne jus quod mihi competit in reliquis terris castris villis et juribus ratione divisionis predicte excepta causa de Lumberiis que communiter prosequitur et promitto legaliter nunquam inde venire contra sed semper in predicta divisione manere et ipsam gratam et ratam habere Et nos qui supra Joannes Bernardus et Laura predictam divisionem et partem ratificamus [] Et ego predicta Elienors vobis predicto D Joanni charissimo fratre meo pro predicta terra Francie feci homagium ut est moris et juris Et ut predicta omnia fidei robur obtineant ac etiam perpetue firmitatis [] facta sunt inde tria consimilia scripta sigillis nostrum qui supra Joannis Bernardi Laure et Elienoris ac etiam predictorum nobilium communita [] Actum in Ruppecurva anno Domini MCCLXXXXV id maii