Charter Document - 04971006

A toz celz qui verront ces présentes lettres je Jahan de Nanteuil chevalier salu en Nostre Seigneur Je fat à savoir à toz que comme Jahan de Laigni orfèvre borjois de Paris ait donné en aulmosne à léglise etas nonnains de Porreis de lordre de Cistiax du diocèse de Paris un pressoer assis juste Meudon qui est apelé le pressoer le Comte ou de Contignies et ix arpens de vignes en une pièce et lx sous de menus cens et iii droitures et demie appartenant en partie de mon fié je en tant que à moi apartient veil et octroi que les devant dites nonnains de Porreis tiegnent les devant dites choses et porsient quitement et perdurablement en main morte sanz nule reclamance de moi ne de mes heirs dès ore en avant A tesmoing de la quel chose je baillie as devant dites nonnains ces lettres seellées de mon seel Cest fet en lan de grace MCLXVIII en la végile des Apostre saint Père et saint Pol