Charter Document - 04971002
| Charter Number: | 04971002 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1202 |
| Date type: | Internal, A.D. |
| Resource Link(s): |
|
Charter:
Hugo Dei gratia beati Dyonisii abbas et ejusdem ecclesie conventus omnibus ad quos littere iste pervenerint salutem Universitati vestre notum facimus quod nos partem nostram foreste desuper Ivete et partem nostram de nemore quod dicitur Grenne Reginaldo de Cornilon preposito Parisiensi et domino Miloni et domino Guidoni de Leviis pro octies C libris vendidimus ita quod ab instanti festo Sancti Johannis Baptiste usque ad septem annos terminum habent de nemoribus scindendus vendendis et deliberandis ex toto ita etiam quod eo ordine quo nemora vendent nos subsequenter ad ipsa custodienda custodes nostros ut iterum crescant instituemus vel si nobis placuerit exstirpabimus Solutio vero denariorum sic fiet a predicto festo Sancti Johannis in annum in crastino scilicet festi sexies viginti et tredecim libras et sex solidos et octo denarios nobis persolvent sequentibus vero annis usque ad sex annos totidem et eodem termino reddere nobis tenebuntur Hujus vero pecunie de tribus solvendis partibus quod ad terminos predictos sive occasione reddentur debitores et plegii sunt fide interposita dominus Philippus de Leviis et Milo et Guido filii sui De quarta vero parte debitor et plegius est fide interposita prefatus Reginaldus prepositus De defectu vero trium partium Philippi et filiorum suorum plegii sunt fide interposita Ferricus de Palesiaco Ferricus de Ateinvilla et Balduinus de Parisia Nos autem de venditione ista justam ipsis garanciam sicut de venditione nemoris portare concessimus Quod ut ratum permaneat et immutabile nos cartam hanc inde fieri et sigillis nostris roborari precepimus Actum anno Domini millesimo ducentesimo primo mense marcio