Charter Document - 04970095
| Charter Number: | 04970095 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1252 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Maria de Cogneriis relicta domini Johannis de Levies salutem in Domino Noverit universitas vestra quod ego pro remedio anime mee et dicti Johannis quondam mariti mei parentum et antecessorum meorum volo et concedo quod ecclesia Beate Marie de Roscha teneat habeat et possideat in perpetuum septem arpenta nemoris sita juxta Bele Penne contigua nemoribus Sancti Dyonisii quod nemus dictus Johannes quondam maritus meus et ego emimus a consanguineis domini Richardi de Argal militis Quitans penitus eidem ecclesie et renuncians quicquid jure hereditario conquestus seu ratione dotalicii sive alio quocunque modo habebam vel habere poteram in dictis septem arpentis nemoris quod nemus jam dictus Johannes quondam maritus meus supradicte ecclesie contulit in puram et perpetuam elemosinam et legavit Quod ut ratum et firmum permaneat presentem paginam sigilli mei munimine roboravi Datum anno Domini MCC quinquagesimo secundo die lune ante Natale Domini