Charter Document - 04970091
| Charter Number: | 04970091 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1250 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Officialis P ecclesie Parisiensis archidiaconi salutem in Domino Notum facimus quod coram nobis constitutus Odo de Vere Magno asseruit quod ipse diu est vendiderat abbati et conventui de Roscha pro sexcies viginti et sexdecem libris Parisiensibus decimam octies viginti arpentorum terre arabilis et plus que dicebat se habere in parrochia de Vere Magno movencia de hereditate nobilis mulieris Matilpdis matris ipsius Odonis ut dicebat prout in nostris litteris hiis annexis super hoc confectis plenius vidimus contineri Volens et concedens predictus Odo quod propter hoc quod dictus abbas asserebat quod quater viginti et sex arpenta terre esse tantummodo in dicta decimaria et non plura ut idem abbas reciperet et perciperet campi partem cum totali decima quam idem miles habebat et percipiebat ut dicebat in quaterviginti et sex arpentis predictis ad defectum dictorum octies viginti arpentorum terre ut dictum est venditorum Si quis esset defectus ibidem quousque abbati et conventui de Roscha decima octies viginti arpentorum de quibus fit mentio in nostris litteris hiis annexis super venditione confectis penitus et integre liberetur Et promisit idem miles fide in manu nostra prestita quod contra premissa vel aliquid premissorum per se vel per alium venire nullatenus attemptabit et quod nichil de dicta campi parte vel decima percipiet vel levabit interim quousque dicta decima vendita eisdem abbati et conventui libere assignetur et penitus liberetur Quod autem audivimus hoc testamur salvo jure alieno Datum anno Domini MCC quadragesimo nono mense marcio