Charter Document - 04970085
| Charter Number: | 04970085 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1247 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Officialis curie Parisiensis salutem in Domino Notum facimus quod in presencia nostra constitutus Richardus de Argal miles quitavit abbati et conventui Beate Marie de Roscha ordinis Sancti Augustini quicquid juris dominii jurisdictionis et justicie habebat vel habere poterat in decima de Tranbleia tam in grano palea tractu stramine quam omnibus aliis quibuscunque pro decem et novem libris Parisiensibus jam sibi solutis traditis et numeratis sicut idem miles confessus est coram nobis promittens fide in nostra manu prestita corporali quod contra quitacionem hujusmodi jure hereditario sive alio modo per se vel per alium non veniet in futurum et quod in dicta decima nichil juris dominii jurisdictionis et justicie de cetero per se vel per alium reclamabit Datum anno Domini MCC quadragesimo septimo mense novembri