Charter Document - 04970083
| Charter Number: | 04970083 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1249 - 1250 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis abbas et conventus monasterii Fossatensis in Domino salutem Noverint universi quod nos ecclesie nostre utilitati pensata volumus et concedimus quod abbas et conventus Beate Marie de Roscha in perpetuum teneant et possideant in manu mortua sine coactione vendendi distrahendi seu extra manum suam ponendi tria arpenta prati sita juxta fontem de Yveta in censiva et dominio prioris nostri de Yveta ad unicum denarium tantummodo censualem sine omni alia consuetudine servicio vel coustuma remittentes eis penitus et expresse alios quinque denarios censuales quibus et predicto denario dicta tria arpenta prati erant primitus onerata Pro cujus rei recompensatione dicti abbas et conventus Beate Marie de Roscha quitaverunt nobis et dicto priori nostro de Yveta penitus et expresse quicquid juris habebant vel habere poterant ratione parrochiali de Sancto Nonno seu alio quocunque modo in decimis novalium factorum et faciendorum intra metas parrochie dicti Sancti Nonni in dominio dicti prioris nostri de Yveta Promittentes dicti abbas et conventus de Roscha quod contra quitationem predictam per se vel per alios non venient in futurum et quod in dictis novalibus in dominio dicti prioris de Yveta factis et faciendis nichil juris de cetero reclamabunt nec nos nec dictum priorem de Yveta super hiis novalibus vel eorum decimis in judicio vel extra judicium amplius molestabunt In cujus rei memoriam et testimonium presentibus litteris sigilla nostra duximus apponenda Actum anno Domini MCC quadragesimo nono mense martio