Charter Document - 04970081
| Charter Number: | 04970081 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1240 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Officialis curie Carnotensis salutem in Domino Noverint universi quod Egidius de Ructoria clericus in nostra presencia constitutus in puram et perpetuam elemosinam contulit et concessit ecclesie Beate Marie de Roscha Parisiensis dyocesis duo sextaria bladi annui redditus percipienda in crastino sancti Remigii a viris religiosis dicte ecclesie super gaignagio suo in granchia de Ructoria que est prenominati clerici ut dicebat proveniente eidem clerico ex successione patris sui volens se et heredes suos qui dictum gaignagium et granchiam tenebunt ecclesie predicte teneri reddere redditum supradictum Promisit autem dictus clericus coram nobis fide media quod contra dictam donationem per se vel per alium non veniet in futurum immo eam donationem bona fide garantizabit et defendet contra omnes Voluit autem dictus clericus coram nobis quod si ipse vel heredes ejus in solutione dicti bladi annuatim ut dictum est dictis religiosis facienda defecerent dictus clericus vel ejus successores tenerentur dictis religiosis qualibet septimana post terminum lapsum solvere duodecim denarios quousque dictum bladum dicte ecclesie solveretur nisi de licencia abbatis et conventus vel procuratoris eorumdem dicto clerico vel ejus successoribus fuerit hoc remissum In cujus rei testimonium presentes litteras sigilli curie Carnotensis duximus confirmandas Datum anno Domini MCC quadragesimo mense aprilis