Charter Document - 04970066
| Charter Number: | 04970066 |
|---|---|
| Cartulary Title: | Cartulaire de l'Abbaye de Notre-Dame de La Roche |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1251 - 1252 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Officialis curie Parisiensis salutem in Domino Notum facimus quod coram nobis constitute domicella Aalipdis et domina Johanna de Palaciolo ejus filia vidue voluerunt et concesserunt expresse coram nobis spontanee non coacte ut asserunt quod monasterium de Roscha ordinis Sancti Victoris Parisiensis dyocesis Parisiensis habeat teneat et possideat perpetuo in manu mortua dimidium arpentum prati siti ut dicitur apud Roscham contigui orto predicti monasterii ex una parte et prato ejusdem monasterii de Roscha ex altera versus Levies ut dicitur in censiva domini Johannis de Nantolio militis et in feodum dictarum mulierum ut dicebant Quittantes penitus coram nobis quicquid juris dominii possessionis et proprietatis in predicto prato habebant aut habere poterant quoquo modo nichil juris sibi et heredibus suis ex nunc retinentes in eo promittentes fide in manu nostra prestita corporali quod contra concessionem et quitacionem predictas per se vel per alium jure hereditario ratione doarii aut alio modo non venient in futurum Datum anno Domini MCC quinquagesimo primo mense marcio